طريقه تحضير شربات الكنافة المظبوط

مع دخول شهر رمضان الكريم وكل عام وكل الامه الاسلاميه بخير ، ورمضان كريم على الجميع تقبل الله منا ومنكم صالح الاعمال وجعلنا من عتقاء النار ، تزداد اهتمامات ست البيت بنحضير الكثير والكثير من الاصناف المختلفه سواء الحلو او المالح ومن اشهر الحلو الشرقي الذي تهتم به كل سيده هى الكنافه بمختلف انواعها فتتفن فى طريقه تحضيرها سواء بالجلاش او بالبسبوسه او القشطه او الشيكولاته وغيرها الكثير والكثير ، وعلشان تحضرى طبق كنافه مظبوط لازم الشربات معاكى يكون مظبوط ، تابعى معايا المقال وحتحضرى احلى واحسن شربات كنافه مظبوط ميه ميه بدون ميسكر او يبوظ منك ، كمان اعرفي اذا كان الشربات يضاف سخن ام بارد ، والكنافه تكون سخنه ام بارده ، كل دا واكتر حنتعرف عليه فى المقاله

 

المكونات المطلوبه لتحضير شربات الكنافه :-

– ٢ كوب سكر
– كوب ماء
-عصير نصف ليمونه
– معلقه صغيره فانيليا

* طريقه تحضير شربات الكنافه المظبوط :-

– قومى بتحضير اناء كبير
– ضعى كل المكونات السابقه فى الاناء

– ضعى الاناء على النار بدون اى تحريك واتركيه تماما
– فى هذه الخطوه اشدد على خطوه عدم التحريك لان تحريك الشربات بيجعله يسكر وغير مظبوط
– اتركى الشربات حتى يبدا يتقل

– بعد مرور ١٥ دقيقه حركى الشربات واتركيه حتى تللحظى حصولك على قوام تقيل معقود مناسب
– اطفى النار واتركيه يبرد وهنا يصبح القوام تقيل مثل العسل ثم اضيفي الفانيليا وهنا يصبح جاهز للاستخدام
– يستخدم الشربات وهو بارد والكنافه سخنه
– بالف هنا وشفا