جراتان البطاطس بالفراخ فى الفرن

للبطاطس الكثير من الاستخدامات وخاصه فى المطبخ المصرى ، منها صينيه البطاطس باللحمه البطاطس البيوريه والبطاطس المحمره وغيره من الاصناف الكثيره المفضله لدى المصريين واليوم اقدم لكى سيدتى طريقه جديده لعمل البطاطس بالفراخ 

المكونات المطلوبه لعمل جراتان البطاطس بالفراخ : – 
4 حبات بطاطس متوسطه الحجم 
2 صدور فراخ بانيه
1/2 كوب كريمه لبانى
1/2 كوب لبن 
جبنه رومى وشيدر ( او اى نوع جبنه متوفر ) 
ملح – فلفل 

طريقه تحضير جراتان البطاطس بالفراخ : – 
تقشر حبات البطاطس وتقطع دوائر 
تقطع الفراخ شرائح متوسطه السمك وتحمر قليلا على النار
يتم وضع طبقه من البطاطس فى صينيه الفرن 
يتم وضع الفراخ على البطاطس ثم طبقه بطاطس اخرى 
يقلب اللبن مع الكريمه والملح والفلفل ويوضع فوق البطاطس
تدخل الفرن لدرجه حراره متوسط لمده 20 دقيقه 
يتم رش الجبنه فوقها ثم وضعها مره اخرى داخل الفرن لمده 10 دقائق او اقل 
تقدم ساخنه مع السلطات والمخللات
وبالهنا والشفا