إحساسك لما تلاقى جوزك بيقولك انا فرحى بكرة

القصة بدأت من الجملة دى وانتهت معاها حياتى . لقيت جوزى داخل عليا من يومين وفى إيده بدلة وبيقولى إيه رأيك فى البدلة دى قولت له الله تحفة بس ليه شارى بدلة مش بعادة قالى عشان هتجوز بكره

 طبعا افتكرته بيهزر وقولت له كالعادة لاوالنبى من غير مااعرف مش كنت تعزمنى قالى بجد عايزة تحضرى قولت له بطل سخافة بقه فى إيه إيه مناسبة البدلة قالى والله فرحى بكره تنحت وقلت له انت بتحلف بالله حرام عليك كده تصوم ٣أيام قالى وأصوم ليه هو انا بكدب بقولك والله فرحى بكره شوفى وفتح لى التليفون ورانى صورة لواحدة وقالى دى العروسة جاية من مصر بكره أهلى هيعملوا فرح على الضيق وهتيجى عروسة وهروح أجيبها من المطار على هنا لحد مااخلص الورق وآخد لها شقة تانية 😣😣إنت بتقول إيه إنت بتتكلم بجد ولابتهزر انا مش مصدقة لا صدقى دى واحدة زميلتى فى الشغل اتجوزت سنة هنا وجوزها مات ومن يوم ماشفتها وانا حبيتها واتعلقت بيها واتفقنا على الجواز قبل ماتنزل مصر وطبعا بعد كلام كتيييييييييير خلاص صدقت فعلا انه هيتجوز بكره حسيت جسمى كله سخن وضغطى عالى ودايخة والارض بتلف بيا وهقع جه يسندنى صرخت فيه قولت له ابعد عنى مش عايزة اشوفك طلقنى نزلنى مصر قالى جنان مش عايز وطلاق أطلقك لو عايزة ونزول هنزلك بس مش دلوقتى لان مش معايا فلوس انا جيبت شبكة للعروسة وبعت لابوها مهر وبعت اخويا اشترى لها شقة ومبقاش معايا ولا مليم 😣😣نعم للدرجة دى مستبيع للدرجة دى اتخدعت فيك سنين للدرجة دى أثرت عليك للدرجة بتحبها طب وانا كنت فين وكل ده بيحصل نايمة على ودانى مغيبة وجوزى بيتخطف منى شبكة ومهر وشقة وانا ماشية بهدومى مقطعة عليا ياناقص ياندل ياجبان دا انا حرمت نفسى سنين بوفر لك عشان تعمل مستقبل لولادك وفرت من اكلى من لبسى من راحتى وسعادتى 😣😣 المهم عدى اليوم معرفش عدى عليا ازاى لحد اللحظة المميتة وهو بيفتح باب الشقة و داخل عليا بالعروسة وبيقولها اتفضلى ياحبيبتى

 اول ماشفتها اتسمرت مكانى عروسة صبية لسه فى عزها مفيش عليها اى علامة من علامات السنين وشيل الهم والحمل التقيل اللى شيلته سنين والخلفة اللى سايبة آثارها على كل حتة فى جسمى شفتها كأنها بنت بنوت مدخلتش لسه دنيا ولقيته بيقدمنا لبعض اتفضلى ياعروسة ندى مراتى ام العيال سمر العروسة عينى جت فى عنيها وقريت كل اللى جواها من عنيها لقيتها بترد على سؤالى ليه كده ليه ملقتيش غير جوزى ليه ليه ملقتيش غير حب عمرى ولقيتها بترد بعنيها متلومنيش انا غريبة معرفكيش عشان اعمل لك خاطر لومى اللى خانك وخان عشرة السنين اللى بينكم وخان حبك 😣😣😣 ولقيت مع كلامها وعيد ليا انها هتقهرنى وهتكسرنى كل ليلة بجمالها وحلاوتها اللى دوخت جوزى ووقعته على بوزه 

ياااااااااااه على الوجع مقدرتش اتحمل صرخت فيهم اطلعوا برا اطلعى برا يازبالة ياخطافة الرجالة ولقيت ايد جوزى نازلة على وشى زى السكينة بتدبحنى قدامها اخرسى ياسافلة انتى فاكرة نفسك ايه فاكرة نفسك بنى آدمة هو انا عشان عملت لك قيمة هتسوقى فيها يلا على اوضتك وايده ورجله شغالين ضرب فيا ولقيتها بكل ذكاء بتعمل فيها دور الطاهرة المؤدبة البريئة لا ياحبيبى أرجوك عشان خاطرى سيبها كفاية كفاية ونزلت دموع معرفش جابتها منين وهى بتترجاه يسيبنى ويبطل ضرب فيا 😣😣ولقيته بيقولها يلا ياحبيبى ياقمرى على أوضتنا نقضى ليلتنا وشالها على ايده ودخل بيها الاوضة وانا واقفة متسمرة مكانى وفجاة سمعت ضحكهم وهزارهم وصوت ضحكتها كانها بتقولى موتى بغيظك الليلة وكل ليلة ياااااااااه على الوجع
فجاة لقيته خارج من الاوضة قالع هدومه ماعدا الاندر وبيقولى انزلى هاتى الاكل الى حماتى بعتاه من السيارة